الانضمام الى خطوة

أهم عامل في نجاح أي عمل في العالم هنن أعضاء هاد العمل والناس القائمين عليه، هنن روح أي مبادرة وهنن الي بيتحملوا مسؤوليته وبيحققوا النجاحات فيه وبالتأكيد هنن أكتر ناس بيستفيدوا وبيتعلموا منه كمان
خلال الأسبوع الماضي كنا عم نحاول نعرفكن على الهيكلية الجديدة والي رح تكون أساس الانطلاقة الجديدة لخطوة 2016 واليوم وحتى تكتمل هي الانطلاقة وتبدأ فعليا صار وقت توظيف الأعضاء والي هي الخطوة الأهم لأنهم هنن المسؤولين الفعليين عن اكتمال نجاح الانطلاقة الجديدة
قبل ما نبدأ بالكلام عن كل قسم ومميزاته وطريقة التقديم فيه رح نحاول نجاوب على سؤال مهم كتير ممكن كل واحد يسأله لنفسه قبل ما يقرر يقدم أو لا والي هو أنا شو رح أستفيد من التقديم كعضو بخطوة 2016 ؟
مبدأيا لازم نعرف أن خطوة بهالفترة داخلة على انطلاقة كبيرة ومختلفة رح نحكي عنها تباعا بعدين ولكنها رح تفتح آفاق كتير كبيرة لكتير شباب ورح تعتبر نقلة نوعية في المجال التطوعي الطلابي وأنك تكون جزء من هي النقلة هاد رح يضيف لخبراتك كتير ورح يعطيك الأولوية دائما في أنك تتعلم من التجربة وتستفيد وتفيد غيرك كمان، بنفس الوقت وعلى مستوى كل الأقسام وبعد الاختيار النهائي للأعضاء رح يخضع الأعضاء لتدريبات متنوعة منها عامة بتزيد من مهارات الأعضاء بشكل عام ومنها خاصة بكل قسم على حسب احتياجه المهاري، رح تأهل هاد الشخص بأنه يكون عضو فعال ومتمكن مهارايا وعمليا من القسم بالإضافة لخبرة كبيرة من الممارسة الدائمة رح يكتسبها كل عضو، بالإضافة طبعا للخبرة الكبيرة الي بيكتسبها أي شخص بيشتغل بالعمل التطوعي بتفيده سواء مستقبلا على صعيد سوق العمل أو حاليا على صعيد تأقلمه وتطوره ذاتيا ومهاراتيا

الهكيلية الجديدة لخطوة بتضم 5 أقسام كل قسم بيحتاج عدد معين من الأعضاء ولهيك كل شخص حابب ينتسب لأي قسم ما عليه إلا بأنه يملى الاستمارة المرفقة تحت شرح كل قسم ورح نتواصل معه بعد فترة لحتى نحدد موعد الانترفيو الي رح يكون طبعا بعد الامتحانات ما تخلص على خير

أولا: قسم الموارد البشرية HR Section
قسم الموارد البشرية في خطوة هو قسم خاص جدا .. وبيتطلب ناس من نوعية خاصة كمان
انت شخص ايجابي ؟ متفائل وعندك قدرة على تحفيز الآخرين ؟ مبدع ومرن وعندك حماس لتشتشغل ؟ حابب تتعلم عن الموارد البشرية وتفيد وتستفيد ؟ اذن قسم الموارد البشرية عم يستناك لتقدم فيه ؟
شو رح تستفيد لما تقدم بقسم الموارد البشرية ؟
اولا رح يكون في الك تدريب شامل وكامل على ايدي مختصين على ادارة الموارد البشرية HR بالاضافة لتدريبات تانية كتير رح تأهلك انك تكون عشو موار بشرية متمكن وفعال
رح تكون عضو موارد بشرية ضمن فريق ورح يتاح الك تمارس الموضوع بشكل تطوعي ومجاني وتاخد فيه خبرة رح تفيدك كتير في سوق العمل والحياةة العملية بالاضافة طبعا للاضافات الكبيرة الي رح تحصل عليها بمجرد كونك خطوجي من تدريبات عامة على كل المهارات ومن اولوية الك في كل الانشطة والمنح والمبادرات الي عم نشتغل فيها والاهم من هيك رح تكون عم تتطوع وتخدم ولاد بلدك بشي اله تاثير حقيقي وفعال
استمار التقديم : https://goo.gl/mCqTty

ثانيا قسم الشؤون الاجتماعية :
قسم الشؤون الاجتماعية هو الجناح الخاص بخطوة نيتوورك اللي بيهتم بشؤون السوريين من الناحية الاجتماعية، وبيكون مسؤول عن تأمين السكن وفرص العمل والإجابة على كافة الاستفسارات والاستشارات القانونية اللي بتواجه السوري، بالإضافة لتدريب الشباب السوري مهنياً ليقدروا يفوتوا على سوق العمل ويرفعوا من كفاءاتن بمختلف المجالات، وعدة أقسام تانية بتهتم بالشأن الاجتماعية بأكبر شكل ممكن وبأسهل الطرق المتاحة.
فلو شايف نفسك من نخبة الشباب الواعي والمميز، وحابب تفوت بعمل تطوعي وتكتسب خبرات مفيدة وتوسّع دائرة معارفك، فيك تحقق هالشي عن طريق انضمامك معنا، وكل اللي حتعمله انك توظف جزء صغير من وقتك وجهدك مقابل اكتساب خبرات ومهارات بالمجال الاجتماعي، ويكون الك دور فعال بالمجتمع.
ناطرين انضمامك معنا عن طريق تعبئتك لاستمارة التقديم وإيدك بإيدنا لنوصل لأهدافنا ونحقق نجاحاتنا ونخدم ولاد بلدنا.
استمارة التقديم: http://goo.gl/forms/Ej2gFS19ho

ثالثا : القسم الأكاديمي
أحيانا كتير بيجي على بالنا أفكار بس ما منعرف نفسرها .. أحيانا كتير بنتسائل أسئلة بس ما منلاقيلها إجابة .. مشكلة جيلنا الأساسية هي مشكلة وعي .. مشكلة ثقافة .. مشكلة علم .. جيل عنده طاقات كبيرة وعنده امكانيات بس ما عنده ثقافة ووعي توجهه وتوظف هالطاقات مظبوط .. لو أنت مهتم بالثقافة .. مهتم بالقراءة والفكر .. مهتم بالكتابة والروايات .. مهتم بالأفلام وبمناقشة الأفكار .. القسم الأكاديمي عم يستناك ..
بالقسم الأكاديمي بنحاول نغطي الفجوة الثقافية عند الشباب السوري .. رح نناقش أفكار محورية ومهمة .. رح نحاول نزيد الوعي الفكري والثقافي عند الشباب .. عن طريق المناقشات .. عن طريق الندوات .. عن طريق الكتب وعن طريق الأفلام والأساليب التعليمية المرنة التفاعلية البعيدة عن الأساليب التعليمية التقليدية اللي ما منها جدوى .. لحتى تكون جزء من الفريق الأكاديمي وتستفيد من كل التدريبات الي رح يخضعوا الها قبل انطلاقة الفريق وتقدر تفيد الشباب السوري متلك وتكون سبب حقيقي بتغير ايجابي فيهم .. القسم الأكاديمي عم يناديك .. قدم هلق في الفورم التالي ورح نتواصل معك مشان الانترفيو بأسرع وقت
استمارة التقديم : https://goo.gl/y5soho

رابعا : قسم التعليم
قسم التعليم في خطوة هو النواة الأولى التي أسست عليها خطوة ، و يعنى قسم التعليم بكل ما يتعلق بشؤون الطلاب من اخبار دراسية و تقديم كورسات التقوية المجانية و كذلك اجراء النشاطاات الطلابية المختلفة و ذلك طبعا للمرحلتين الثانوية و الجامعية ..
كما يشجع قسم التعليم على نشر روح التعاون بين الزملاء ضمن المجالات التعليمية و تقديم الجوائز و الحوافز مادية أو معنوية للطلبة الأكثر نشاطا في هذا المجال
استمار التقديم : https://goo.gl/JzZK9B

خامسا : قسم الملتميديا
قسم المالتيميديا بخطوة هو قسم الفن والابداع وهو الواجهة البصرية لخطوة لانو هو القسم المسؤول عن كل التصاميم و الاعداد والبرمجة لكل الصور و البوستات و الموقع الالكتروني والانتشار ع شبكات التواصل الاجتماعي
يعني لو انت محبين التصميم والبرمجة واعداد الفيدوهات و الانيميشن وحابب تنمي مهاراتك و تطورها بشكل اكبر فقسم المالتيميديا هو مكانك الانسب
استمارة التقديم : http://goo.gl/forms/RSxlS98I63

حابين نذكركم طبعا أن فيكم تقدموا بأكتر من قسم بنفس الوقت ونتيجة الانترفيو هي اللي بتحدد القسم الأكتر ملائمة الكم
اخر موعد للتقديم هو 15 – 1 – 2016
رح يتم عمل تدريب خاص بكل قسم للاعضاء المقبولين