ماجستير و دكتوراه , تركيا
والله يا عمي هالأتراك محتلين الساحة بهاليومين بكل شي , مسلسلات و لبس و سياحة و شي ماله نهاية و أهم شي بهمنا هو موضوع الدراسة والمنح الحلوة يلي عم تقدملنا ياها
منحة من مجلس البحث العلمي والتكنولوجيا بتركيا لطلاب الماجستير ويلي بيقدر المستفيدين منها يحصلو على مبلغ شهري قيمته 1500 ليرة تركية لطلبة الماجستير و 1800 ليرة تركية لطلبة الدكتوراه بالإضافة لمبلغ بيصل لـ 2000 ليرة تركية لتغطية الرسوم الدراسية
شروط المنحة هي أن يكون عمرك أقل من 31 سنة لبرنامج الماجستير و أقل من 36 سنة لبرنامج الدكتوراه
ومعك شهادة بكالوريوس او بالسنة الجامعية الأخيرة
مجالات الدراسة هي:
1-العلوم الطبيعية
2-العلوم الهندسية والتكنولوجية
3-العلوم الطبية
4-العلوم الزراعية
5-العلوم الاجتماعية
6-العلوم الإنسانية
حتى تقدر تقدم للمنحة لازم تعبي هاد الطلب https://e-bideb.tubitak.gov.tr/giris.htm?language=en%C2%A0
وبدك صورة عن شهادة ميلادك او جواز السفر و نسخة عن شهاداتك و كشوف العلامات مع رسالة تبين الدافع للتقديم للمنحة و طبعا ما مننسى سيرتك الذاتية و صورة شخصية جديدة و لو في معك شهادات تانية حطها ما بتخسر شي و أهم شي رسالتين مرجعتين ( الطلب بيعتبر لاغي اذا مافي هالرسالتين يلي بيكتبهم استاذك الجامعي او مسؤولك بالعمل بيذكر خبراتك و مهاراتك و بيمدحك فيها )
الموعد النهائي للتقديم
19-09-2014 ( الساعة 5.30 م )
فيك تاخد تفاصيل أكتر عن طريق هاد الموقع :
و كمان فيك تحمل دليل التعبئة :
http://www.tubitak.gov.tr/sites/default/files/2215_call_2014_2.pdf
