في ناس بتستاهل الشكر لانهن بيحسسوك بكرم الضيافة وانو فعلا لسا الدنيا بخير وأقل واجب ممكن نعملو مع هالناس انو نتشكرهن على وقفتهن معنا ومشان هيك فكرنا بمبادرة يكون اسما شكرا مصر والي كانت عبارة عن دمج لمجهودنا مع مجهود دوبارة الي صرنا كلياتنا منعرف قديش هالناس مخلصين لبلدنا
وكانت افضل بداية لهي المبادرة شكر لجامعة عين شمس . الي ما قصرت ابدا بتقديم كلشي قدرت عليه ليصير السوري يتعامل بكل شي متل المصري
لهيك عملنا مبادرة باسم (شكرا جامعة عين شمس ) وهي المبادرة كانت بحضور
السيد الأستاذ الدكتور حسين عيسى رئيس جامعة عين شمس
السيد الأستاذ الدكتور على عبد العزيز على نائب رئيس الجامعة لشئون الدراسات العليا والبحوث
السيد الأستاذ الدكتور محمد الحسينى الطوخى نائب رئيس الجامعة لشئون التعليم والطلاب
السيد الأستاذ الدكتور أحمد جلال مدير مركز التعليم المفتوح بالجامعة
السيد الأستاذ الدكتور عاصم أبو المعاطى مدير التعاون الدولي ونقل التكنولوجيا والابتكار
ابتدى الحدث بكلمة شكر لرئاسة الجامعة وتعريف بخطوة والي قدمها مؤسس خطوة وبعدها قدمنا كلمة عرضنا فيها المشاكل الي عم تواجه طلاب جامعة عين شمس السوريين والي تم حلها بالتعاون مع رئاسة الجامعة وبعد الكلمة قدمنا دروع للسادة الافاضل الي زكرنا اسمون فوق كتذكار بسيط منا يعبر عن شكرنا وتقديرنا الهون ع الي عم يعملوه معنا و بعدها حبينا نعرف عن بعض عاداتنا وتراثنا السوري ف قدمنا عرض تراثي (عراضة شامية ) بعدين عرضنا فيديو ببين جمالية سوريا وبعد الفيديو تم كملنا عرض الفلكلور السوري بعرض دبكة وما خلص الفن عنا ابدا بعد الدبكة عملنا عرض موسيقي وختمنا هالجمعة الحلوة بغنية جماعية شارك فيها الفريق كلو والحمد لله ما سمعنا من الناس الا كلمة الله يعطيكون العافيه
