مافي عنا سيرة هالأيام غير الهجرة ع اوروبا , و بهالمناسبة خطوجي لح يقدملك منح على اوروبا حتى تكون طلعتك نظامية ومو بالبحر 300 واحد بقارب لعشر اشخاص!!
هاد المهم ياسيدي مالكم بطول سيرة , شفنا المنتخب الألماني و شطارته باللعب و اليوم اللعب بأرضه كمان…..
منحة ع المانيا من معهد هاسو بلاتنر لهندسة نظم البرمجيات في بوتسدام مركز التميز الجامعي في علم الكمبيوتر في ألمانيا. بتحتاج المدارس البحثية التابعة للمعهد سنويا لباحثين مبتدئين موهوبين ، ومشان هيك أعلنت عن توفر عشر منح دراسية لدرجتي الدكتوراه و ما بعد الدكتوراه.
بتركز المدرسة البحثية للمعهد على مفاهيم و تطبيقات نظم تكنولوجيا المعلومات كبيرة الحجم و عالية التعقيد و المتواصلة. و بتتمتع هالمدرسة ببنية تركيبية متعددة التخصصات و متعددة الجنسيات، فتربط المدرسة بين المجموعات البحثية في معهد هاسو بلانتر مع مجموعاتها الدولية في جامعة كيب تاون (جنوب أفريقيا)، و معهد إسرائيل للتكنولوجيا (تخنيون) و جامعة نانجينج في سنغافورة
يضمن الأساتذة يلي بضمهم طاقم المعهد، لجانب مجموعاتهم البحثية عملاً بحثياً عالي المستوى، و لح يقوموا بالإشراف على طلاب الدكتوراة في المجالات البحثية التالية:
- تفاعل الإنسان مع الكمبيوتر، د.باتريك بوديش
- أنظمة رسومات الكمبيوتر، د.يورغين دولنر
- هندسة و نماذج الأنظمة، د. هولجر جيسه
- عمارة البرمجيات، د. روبرت هيرشفيلد
- أنظمة و تكنولوجيا الإنترنت، د. كريستوف مينل.
- نظم المعلومات: د. فيليكس نومان
- أنظمة التشغيل: د. أندرياس بولزه
- تكنولوجيا عمليات الأعمال: د. ماثياس وسكه
في حال عندك خبرة سابقة بأي مجال من هي المجالات، فأنت مدعو لتقديم طلب للالتحاق، من خلال هي المستندات:
- السيرة الذاتية و نسخ من الشهادات و كشوف العلامات.
- مقترح بحثي مختصر
- نماذج عن أعمالك السابقة و نسخ من أعمالك العلمية ذات العلاقة، مثل رسالة الماجستير.
- رسالة توصية.
يجب تقديم الطلبات بحلول 15 آب (أغسطس) من هي السنة
بيبدا العمل بهي المناصب عادة في بداية شهر تشرين أول (أكتوبر)، و لتقديم الطلبات بعات كل المستندات على الايميل: research-school-application@hpi.de
وهي المصدر تبع المنحة
خليكن متابعيننا حتى يقدر خطوجي يوصلكم المنح يلي بتناسبكم
