هلأ يلي بقلك ان الخطوجي متل الزبدية الصيني من وين ما رنيته برن صدقه و بصمله بالعشرة ، هالمرة عمكم الخطوجي جايبلكم مفاجأة على آخر الأسبوع غير شكل شي فاخر عالآخر و حتعجب الكل إن شاء الله
بآخر إحصائية عملتها خطوة و من خلال متابعتها المستمرة لأحوال الطلاب بمختلف المراحل الدراسية كان في شكاوي من أغلب الطلاب بتدور حولين نفس النقطة هي أن في بعض المواد الطلبة ماعم يقدروا يستوعبها تمام بالمدرسة و عم يضطروا يسجلوا بسناتر او يشوفوا مجموعات بالبيت و ياخدو دروس بهي المادة ، كمان الشكوى المتكررة من طلاب البكالوريا أن الاعتماد الكلي عالسناتر و هاد الشي عم يضيع كتيير من الوقت لان كل يوم بسنتر و كل يوم بمكان، مشان هيك عملت خطوة أقصى جهدها حتى تلاقي حل لهالمشكلة و تخليكم توفروا بالوقت و الفلوس
– كايرو دار
http://www.cairodar.com
موقع بقدم دروس للثانوية العامة لكل المنهاج و باللغة العربي و اللغة الانكليزي عن طريق فيديوهات بتتصور من قبل أساتذة أقوياء جدا و بيعرفوا كامل التركات و النكشات يلي موجودة بالمادة ، إضافة لأنه بعد ما تحضر الدرس بكون في امتحان بسيط عليه بساعدك حتى تعرف لو فهمت الدرس منيح و استوعبته و لا لأ ، و آخر السنة كمان بنزل فيديوهات مراجعة للمنهاج بكل المواد بطريقة مميزة و ما بتخليك تحس بالملل .
– نفهم
http://www.nafham.com
موقع بقدم دروس لكافة المراحل من المرحلة أولى ابتدائي للمرحلة الثانوية بكل المواد للمنهاج المصري ، السوري ، السعودي ، الكويتي و الجزائري …..المميز بالموقع ان بيعطي النقط يلي الها علاقة بالمنهاج من السنوات السابقة من جديد و بيربطها بالدرس يلي عليك ، كمان بيسمحلك تكتب تعليقاتك و أسئلتك عن طريق تسجيل اشتراك مربوط بالايميل الخاص فيك او حسابك عالفيسبوك ، وفي حال ما فهمت الدرس يلي بدك في أمكانية أنك تبدل الأستاذ ببعض الدروس و تسمعها بطريقة تانية تناسب فهمك و استيعابك .
وعن طريق هدون الموقعين مالح تضطروا تسجلوا بسناتر للمواد كلها و بتقدورا تحضروا المادة يلي بدكم بالوقت يلي بناسبكم بالبيت من دون الارتباط لموعد محدد او أستاذ معين و خاصة لو كانت مواد حفظية و ما بتحتاج فهم كتير .
طبعا كمان نحن كخطوة عملنا جروب مخصص لطلاب الشهادة الثانوية بضم أوائل السنة الماضية حتى يساعدوكم و يردوا على استفساراتكم يلي بتتعلق بالمنهاج و طريقة الدراسة و تنظيم الوقت و أحسن الأساتذة و السناتر عن طريق جو حلو كتير بضم الدراسة و المتعة و التسلاية مع بعض حتى توصلوا لأحسن مستوى و تجيبوا أعلى المعدلات بأذن الله
https://www.facebook.com/groups/khatwa.sy.thnwya/
وبالتوفيق للجميع (:
#خطوجية_مبتكرة
