تعليمات هامة بالنسبة لاجراءات تمديد او تجديد جواز السفر
اولا بالنسبة لتمديد الجواز:
مطلوب 4 صور شخصية وصورتين عن جواز السفر وصورتين عن اي اثبات شخصية اخر متل هوية شخصية او دفتر عائلة او دفتر عسكرية او اخراج قيد
والمصاريف المطلوبة للتمديد هيي 200 دولار طبعة جديدة
وبهي الحالة بيتمدد الجواز سنتين
عمر جواز السفر صار 6 سنين بيتمدد كل تمديدة سنتين لحتى تتم ال6 سنين وان كان الجواز ممدد من قبل مثلا سنة واحدة وكان اخدو صاحبو اول مرة اربع سنوات بيتمدد سنة وحدة لان باقي من عمر الجواز لحتى يتم ال6 سنوات سنة وحدة بس وعليه منقيس انو اقصى حد للتمديد بيكون سنتين وممكن يتمدد ست شهور بس وبنفس المصاريف في حال كان الجواز ممدد قبل هالمرة وقرب يوصل لل6 سنين
ثانيا تجديد الجواز :
لتجديد جواز سفر موجود مع صاحب العلاقة تحضر نفس الاوراق المطلوبة الي هيي اربع صور شخصية وصورتين عن الجواز وصورتين عن اي اثبات شخصية اخر ومصاريف 400 دولار وبيسلم الورق وبينتظر فترة لا تقل عن اربع شهور لحين وصول الجواز الجديد وطبعا لو كان جواز لمولود جديد بينطلب من اب المولود الي رح يقدم على الجواز شهادة الميلاد ودفتر العائلة
اما ان كان الجواز مفقود بيتطلب من الشخص احضار ضبط شرطة بفقدان الجواز وهاد الضبط بيتصدق من بعد قسم الشرطة من مديرية الامن الي تابع الها القسم وبعدها من اكاديمية الشرطة القديمة بالعباسية بالقاهرة وبعدها من الخارجية المصرية وبيرفق الضبط مع الاوراق المقدمة وبتزيد المصاريف على الشخص وبتصير 485 دولار
