اصدقائنا طلبة الثانوية المصرية اولا منرجع منقلكون الف مبروك ع النجاح
كتير عم يجينا اسئلة شو لازم نساوي ؟ كيف بدنا نسجل ؟ شو المفاضلة ؟ شو التنسيق وغيرو…
ح نشرحلكون كلشي بالتفصيل ح نشرح كلشي نقطة نقطة
اول شي التنسيق متل المصريين بالحد الادنى , طيب ح تسئلو شو يعني وانو شو تسجلو ؟ رح قلكون هلاء رح نستنى مع بعض لحتى يطلع نتيجة المرحلة الاولى من تنسيق الطلبة المصريين وبعدها بتشوف كل كلية شو طلبولها مجموع وبتسجل رغباتك وفق هلاساس .. طيب رح تسئلني هو رح يكون متلون بالظبط رح قلك مو متلون بالظبط بس رح يكون قريب منون يعني مو يكون مطلوب مثلا للطب %99 للمصرين وانت يكون مجموعك %92 وتحط الطب ضمن رغباتك
طيب كم رغبة فيك تسجل ؟ بما انك حاصل على الشهادة المصرية بحقلك 30 رغبة بدال 10 .. طبعا فيك تحط بس 10 رغبات لو ما بدك اكتر
ومن المميزات كونك طالب ثانوية مصرية انو انت ما في الزام بعدد مقاعد معين متل الوافدين يعني ما رح تلاقي كلية قفلت بوشك وقالولك ما ضل في مقاعد
طيب بالنسبة للي راسبين بمواد وبدون يقدموهون دور تاني فانتو ما بتقدمو ع مفاضلة هلاء رح يتم فتح مفاضلة تانية خاصة فيكون كتسجيل متاخر وبالنسبة لايمت التكميلي فهو تقريبا ح يكون بنص شهر تمانة ورح ننزلكون جدول الامتحانات تبعو عن قريب
طبعا بذكر التسجيل بيخلص ب 30\8 يعني لسا في شهر ونص فما ضروري تسجلو فورا هلاء لما بتستنو لتشوفو المفاضلة تبع المصريين اولا بتختارو رغباتكون صح تانيا بتكونو فكرتو بالكليات الي ممكن تفيدكون اكتر
وفيكون تستغلو هي الفترة بتقوية لغتكون الانكليزية لانو كتير مهمة وبالجامعة ما رح تفضى لهيك شي وطبعا ان شاء الله بعد رمضان ح نعمل مجموعة من المحاضرات عن التسجيل بالجامعة وشرح للكليات ومعلومات كتير بتهمكون
ورح نحاول قدر الامكان المحاضرات تغطي اكبر عدد من مناطق تواجد السوريين
واخر شي يا ريت الكل يعمل #شير للموضوع او يعمل #تاغ لرفقاتو لنحاول نوصل المعلومات لكل مين بيحتاجها
تحياتنا وتمنياتنا للجميع بالتوفيق
كان معكون #خطوجي_مبدع مؤسس خطوة
