ماجستير , ويلكم ترست:
المشكلة يلي كل طلاب الجامعات بالبلاد العربية بيشكو منها وهي أن بلادنا ما عندها شي اسمه ” البحث العلمي ” ، بس المشكلة الأكبر بتكون لما نحن الجيل ” الناشئ” ما منعرف نلاقي مخرج لأفكارنا يلي بتحتاج بحث علمي ينميها و يطورها ، كرمال هيك اجى الخطوجي الفهمان لقالكم منفذ تقدرو تطلعو فيه هالأفكار الرنانة
هلأ المهم و منستنج من هالحكي أن في منحة نطبخت عالنار و صارت جاهزة للتقديم والأكل , منحة بتهتم بالبحث العلمي وخاصة البحث العلمي بمجال الصحة العامة والطب و العلوم الاجتماعية مقدمة من ويلكم ترست , هاد البرنامج بيسعى لتعزيز قدرات البحث العلمي بالدول يلي دخلها متوسط و منخفض من خلال تقديم دعم للباحثين الصغار للحصول على خبرة بحثية وتدريب عالي الجودة في مستوى الماجستير , الهدف من البحث هو فهم وتحسين الصحة العامة والطب المداري على المستوى المحلي والوطني والعالمي. وبيغطي مجال الصحة العامة والطب المداري مجموعة واسعة من المشاكل الصحية بما فيها من أمراض معدية وغير معدية , وبيضمن البرنامج المواضيع التالية:
1-الدراسات الديموغرافية والعلوم الاجتماعية والاقتصاد الصحي.
2-الدراسات الوبائية الميدانية والمجتمعية.
3-نظم الرعاية الصحية وبحوث السياسات.
4-قياس اعباء الامراض المعدية المزمنة.
5-الدراسات السكانية
6-التجارب السريرية ودراسات الحالات.
7-دراسات آليات المرض في المضيف الطبيعي.
8-محددات قابلية المرض والمقاومة
9-المقاومة او المناعة بالمضيف الطبيعي او الناقلات
ويمكن ان يتضمن كمان التحليل الجزيئي المختبري او العينات السريرية، بس ما بيتم قبول المشاريع التي بتركز بس على الدراسات المختبرية او استخدام نماذج حيوانية
منجي هلأ لمزايا المنحة :
1-راتب بتعتمد قيمته على مستوى ما يقدمه ترست لطلبة الماجستير، وبيتم تحديد هالشي من خلال موقع الدورات (داخل لندن: 17000 جنيه استرليني سنوياً، خارج لندن: 15000 جنيه استرليني سنوياً، خارج المملكة المتحدة: يجب على المتقدمين التحقق من معهد التدريب فيما يتعلق بتكاليف المعيشة.)
2- تكاليف السفر (على سبيل المثال: تفقات تذاكر سفر جوية للعودة).
3-دعم لتغطية رسوم الدراسة. بيتم دفع رسوم برامج الماجستير على حسب المعدل يلي بتعتمده مؤسسات التدريب
من شروط المنحة انك تكون اخد درجة البكالوريوس بموضوع اله صلة بالطب المداري او الصحة العامة (السريرية او غير السريرية) و كمان بمرحلة مبكرة من وظيفتهم مع خبرة بحثية محدودة بس عندهم اهتمام بالبحث
فيك تقدم طلب للمنحة عن طريق هي الصفحة
https://grants.wellcome.ac.uk/eGrants/Authentication/login.aspx
وكمان بتلاقي بهي الصفحة شرح عن طريقة التقديم :
http://www.wellcome.ac.uk/Funding/Biomedical-science/Funding-
schemes/Fellowships/Public-health-and-tropical-medicine/WTD025881.htm
آخر موعد لتقديم الطلبات هو 31 اكتوبر 2014
معلومات الاتصال
يمكن ارسال الاستفسارات الى البريد الإلكتروني sciencegrants@wellcome.ac.uk
او التواصل عبر: +44 (0)20 7611 5757
