كتير منا بيشتغل شغل ما بيعجبه وما بيرتاح فيه و بتتحول حياته لجحيم كل يوم و كأنه رايح عالمقبرة الصبح بدل مكان الشغل …. فبكون الحل الوحيد بهي الحالة ان يدور على شغل بديل أنسب لحالته و أريح لوضعه …… ولنفترض أن لقى شغل مناسب اله بتجي مرحلة كيف بدي يترك الشغل الحالي؟؟؟
بالبداية لازم تكون اختيارك للطريقة حترمة ومو بالخناق و الصراخ و اختراع المشاكل يلي مو موجودة ، فيك ببساطة تروح على مكتب الموارد البشرية و تخبرهم بهالشي
تاني شي ما تنسى ان تراجع عقد العمل و تمعن منيح بالشروط ، لان من الممكن يكون في بند بيمنعك من الترك المفاجئ و أن لازم تخبر مديرك قبل بتلت شهور مثلا ، أو ممكن يكون في يند بنص على شوية إجاءات مالها ببالك ، و بهي الحالة لو ما نتبهت للشروط منيح ممكن تتعرض لمحاكمة قانونية و خود بقا على سين و جيم
و من أهم النقط يلي أغلبنا بيتجاهلها هي كتابة طلب الاستقالة بطريقة احترافية ، لازم يكون الطلب مختصر بعيد عن اللف و الدوران و طبعا تكون محدد فيه موعد الرحيل بدقة ، عقر عن شكرك و مدى تطوير شخصيتك و مهارتك خلال فترة العمل و أهم شي أنك تبعد عن الانتقادات و السلبية ، فكر بعقلك مو بعاطفتك
و لا تنسى أنك تكون صادق مع حالك و ما تكون بوجهين ، متل أنك تخبر مديرك بسبب تركك لأن لقيت فرصة مناسبة أكتر و بنفس الوقت تخبر زملائك أنك بدك تترك بسبب المدير الدكتاتوري يلي بلا أخلاق…… حط ببالك ان الوفاء صار عملة نادرة و احتمال يطلع حدا من زملائك و يروح يخبر المدير بهالكلام مع رشة بهارات زيادة
خليك اد حالك و انت بايدك سلم الاستقالة للمدير ، كون جاهز لأسلته المتعلقة بهالموضوع و أهم شي أنك تبعد عن الانتقاد الشخصي
انتبه أنك تفوت بحرب كلامي مع مديرك أو أنك تعلي صوتك عليه ، مهما عمل بضل اسمه مدير و ممكن يأثر عليك بدون ما تحس
بالنهاية تعامل بلباقة بكل المواقف و خليك صادق مع حالك و مع غيرك ، زمن الصراخ و الكذب خلينا نحطه ورانا و نكون اد حالنا و نتمثل بأخلاق الإنسان الحقيقي
#خطوجية_مبتكرة
