شباب وصبايا المدارس الليبية الي طلعت نتائجون وما ستلمو شهادتون في كتير طلاب تواصلو معنا انو بدن يسجلو على كشف علاماتون الي مصدق
ونحنا تواصلنا مع الوافدين وقالولنا التالي اولا يفضل انو ينتظرو لحتى تجي شهادتون ويسجلو بكون افضل في حال قرب التسجيل ينتهي وما وصلت شهادتون بسجلو على الكشف ومنحاكي الوافدين يعملو استثناء يقبلو الكشف ما بين ما تجي الشهادات .. طبعا في ناس رح تسئل ليش ما منسجل من هلاء على الكشف الجواب هو انو لو اجت الشهادات قبل انتهاء التسجيل رح يصير التسجيل بالكشف غير مقبول وعلى هاد الاساس لازم تعدل التسجيل ولانو انت مسجل من فترة قديمة ما فيك تعدلو الكترونيا وبصير لازم تنزل على الوافدين وتاخد الشهادة معك وتعدل ملفك وح تزود ع حالك شغلات انت بغنى عنها .. بلاضافة لانو نفس الملاحظة الي زكرناها لطلاب الثانوية المصرية انو يا ريت تفكرو برغباتكون منيح وتسئلو وتستفسرو قبل ما تحطو الرغبات بشكل عشوائي وتتندمو بعدين وتقولو يا ريت ما عملنا هيك
اما بالنسبة للطلاب الي ما طلعت شهادتون نحنا عم نحاول نتابع القصة قدر الامكان ونلاقيلها حل
وان شاء الله ما تاكلو هم شي سواء تسجيل او يروح عليكون شي ما تخافو نحنا معاكون ونشالله كلو محلول
