مسا الخير .. كيفكون ؟ رح طول شوي عليكون بالحكي بس يا ريت تقرو الموضوع كتير منيح لانو كتير مهم
حكو معنا كتير ناس قالو انو ما فهمو الحديث الي قلناه بالمرة الماضية عن شرح التنسيق والمراحل والمفاضلة لهيك حبيت اعرض الفكرة بطريقة جديدة وكمان لو ما فهمتوها منجرب طريقة تانية هيك لحتى تفهموها منيح
هلاء منبدا من اول معلومة مهمة ح اسئلك انت شو جنسيتك ؟ هلاء بما انك مانك مصري معناتا انت اسمك (وافد) يعني بتسجل بموقع الوافدين حتى لو انت حاصل ع شهادة مصرية لانو جنسيتك مو مصري منجي لتاني نقطة المفاضلة وشو بيطلعلك هون بقلك بشكل عام الفرق بين الوافد والمصري بمفاضلة مو هالفرق الكبير وخاصة بالكليات الطبية بس بنفس الوقت نحنا اقل منهون بشوي والموضوع بيختلف حسب شهادتك سورية مصرية ليبية الخ .. طيب ما دام نحنا مفاضلتنا غير المصريين ليش عم نقلكون استنو ؟ ح قلك صحي نحنا غير مفاضلة بس نحنا عم نستنا نشوف مفاضلتون لنحط ريج تقريبي لمفاضلتنا يعني منصير نحسن نقدر تقريبا شو ممكن يطلعلنا مشان ما نحط رغباتنا فوق فوق او تحت تحت واكبر دليل حاكنا طالب من كم يوم انرفض تسجيلو لانو مجموعو 70% وحاطط رغباتو كلون هندسة يعني شي مو منطقي بنوب ! وغير هيك في طلاب السنة الماضية كانو نفس المجموع ونفس لمدرسة واحد بتلاقيه دخل طب والتاني دخل علاج طبيعي طيب كيف هيك بقلك اي بصير لانو واحد عرف يرتب رغباتو مظبوط والتاني بس بدو يسجل اي شي وما فكر منيح .. هلاء بعد هاد الحكي انت لو حاسس حالك عندك خبرة كافية لتخط رغباتك وبتعرف الفرق بين الجامعات والكليات المختلفة فبقلك روح سجل .. اما لو غير هيك استنا لبعد العيد بلاخير الي بسجل اليوم والي بسجل بكرا والي بسجل ب29\8 كلو نفس الشي لانو نحنا تنسيق واحد مو عدة مراحل متل مفاضلة المصريين لهيك ليش العجلة
وبرجع بزكركون نحنا ان شاء الله ح نعمل عدة محاضرات تعريفية بامكان مختلفة من اكتوبر ومصر الجديدة و اسكندرية وغيرو لحتى نحاول نفيد اكبر عدد من الطلاب
بالاخير فكر كتير منيح لانو هاد مستقبلك انت مو مستقبل اي حدا تاني والغلطة اليوم ح تاثر عليك العمر كلو
تحياتي وتمنياتي للجميع بالتوفيق ونشالله بتكون خياراتكون موفقة
#خطوجي_مبدع مؤسس خطوة
